Германија под удар на екстремни горештини: Предупредувања за 289 области

Германската метеоролошка служба (DWD) издаде официјално предупредување за екстремна топлина за 289 од вкупно 294 области во земјата. Само пет области остануваат надвор од предупредувањето, додека во поголемиот дел од Германија се очекуваат температури до 38 Целзиусови степени.

— реклама —

Уште до пладне температурите надминаа 30 степени во речиси целата земја, а најтопло ќе биде во југозападниот дел, каде што живата во термометарот ќе достигне до 37 степени.

— реклама —

Од предупредувањето засега се поштедени областите Нордфризија, Аурих и Витмунд на северот, како и Обералгој и Тутлинген на југот на Германија.

Метеоролозите најавуваат и тропски ноќи, при што температурите нема да се спуштат под 20 степени, што дополнително ќе го отежне одморот на граѓаните.

— реклама —

За четврток се очекуваат уште повисоки температури, меѓу 35 и 38 степени, а по екстремната жештина се прогнозира нагла промена на времето со силни грмотевици, обилни врнежи и силен ветер, особено во алпските предели.

— реклама —

Топлотниот бран веќе предизвикува последици и врз природата. Нивото на реката Рајна значително се намалува, а според прогнозите, веќе во сабота би можело да биде достигнато најниското ниво на водата досега, што би предизвикало сериозни проблеми за речниот сообраќај и транспортот на товарни бродови.