Германија со црн биланс од топлотните бранови: Повеќе од 16.000 починати

Екстремните горештини годинава оставија сериозни последици врз населението во Германија, каде што бројот на смртни случаи поврзани со високите температури достигна околу 16.300 до почетокот на септември.

— реклама —

Проценката на Институтот „Роберт Кох“ се однесува на периодот до 3 септември и покажува дека годинава Германија бележи највисок број вакви смртни случаи од 2016 година.

Особено погодени се најстарите граѓани. Од вкупниот проценет број, околу 8.200 починати биле лица на возраст над 85 години.

— реклама —

Здравствените последици од екстремните температури се особено сериозни кај повозрасните лица и кај луѓето со хронични заболувања. Високите температури дополнително го оптоваруваат организмот и можат да ги влошат постојните здравствени состојби.

— реклама —

Германија не е единствената европска земја што годинава се соочува со последици од екстремните горештини. Топлотни бранови погодија и Шпанија, Португалија, Франција, Италија и Грција.

Во Франција, економската штета предизвикана од топлотниот бран се проценува на до 15 милијарди евра.

— реклама —

Сѐ почестите екстремни топлотни бранови во Европа претставуваат сериозен предизвик за здравствените системи и институциите, особено во обезбедувањето навремена заштита за постарите лица и другите најранливи категории на населението.