Дваесет и осумгодишен државјанин на Германија е лишен од слобода во Битола откако полицијата при преглед кај него пронашла грутчеста материја.
Според МВР, случајот се случил на 31 август околу 19:30 часот на булеварот „1 Мај“, каде што полициски службеници од СВР Битола го запреле и го извршиле прегледот.
При прегледот кај М.И. била пронајдена материјата, по што тој бил лишен од слобода.
Од МВР информираат дека по целосното документирање на случајот ќе следува соодветен поднесок.
