Германски град забрани капење на плажа: Опасни алги се шират кон Балтичкото Море

Германските власти издадоа предупредување до граѓаните да не влегуваат во вода на градската плажа во Росток поради сомневање за присуство на опасни сино-зелени алги во Балтичкото Море.

— реклама —

Одделението за јавно здравје на Росток предупреди дека пливањето на плажата е опасно бидејќи ветерот и морските струи би можеле да ги донесат алгите поблиску до брегот.

— реклама —

Се сомнева дека станува збор за сино-зелени алги кои можат да претставуваат ризик за здравјето. Контактот на кожата со нив може да предизвика алергиски реакции и отекување, додека внесувањето контаминирана вода може да доведе до гастроинтестинални проблеми.

Ризикот е особено зголемен при многу високи температури, односно над 30 степени Целзиусови. Во потешки случаи може да се појават повраќање и проблеми со дишењето.

— реклама —

Забраната за капење се однесува на целата плажа, долга околу два километри, а властите нагласуваат дека мерката важи и за кучињата.

— реклама —

На граѓаните им се препорачува целосно да избегнуваат контакт со алгите и да ги следат дополнителните известувања од надлежните служби.