Германски „мерцедес“ летал со 203 километри на час низ автопат во Македонија, возачот уапсен

Турски државјанин е лишен од слобода откако полицијата го затекнала како вози со брзина од 203 километри на час на автопатот „Пријателство“, на делница каде што максимално дозволената брзина е 120 километри на час.

— реклама —

Од Министерството за внатрешни работи соопштија дека настанот се случил вчера околу 15 часот кај селото Милетково, на подрачјето на Гевгелија.

— реклама —

„На 10.07.2026 во 15:00 часот на автопатот „Пријателство“ кај село Милетково, гевгелиско, полициски службеници од СВР Струмица – ОВР Гевгелија лишија од слобода турскиот државјанин Ј.Ц. (46). При контрола на патниот сообраќај со радар, полициските службеници констатирале дека Ј.Ц. управувал патничко возило „мерцедес“ со германски регистарски ознаки со брзина од 203 километри на час, на место каде со сообраќаен знак брзината на движење е ограничена на 120 километри на час“, информираат од МВР.

— реклама —

Возачот бил исклучен од сообраќај, а за случајот бил известен јавен обвинител од Основното јавно обвинителство Гевгелија.

— реклама —

Против него е поднесена соодветна пријава.