Германски весник: Србија и Украина би можеле заеднички да произведуваат дронови

Посетата на украинскиот претседател Володимир Зеленски на Србија, која е најавена за сабота, би можела да биде вовед во договор за заедничко производство на дронови, пишува германскиот весник „Франкфуртер алгемајне цајтунг“ (ФАЗ).

— реклама —

Според весникот, посетата била планирана подолг период, но повеќепати била одложувана. Иако официјално ќе биде посветена на економската соработка, ФАЗ наведува дека во разговорите би можеле да бидат опфатени и теми од одбранбениот сектор, вклучително и можноста за заедничко производство на беспилотни летала во Србија.

— реклама —

Во текстот се наведува и дека поранешниот американски амбасадор во Србија, Кристофер Хил, открил дека САД посредувале за испорака на српска муниција во Украина преку трети земји, нагласувајќи дека Белград не извезувал оружје во Русија.

— реклама —

ФАЗ пишува дека советникот на Зеленски, Олександр Камишин, повеќепати престојувал во Србија, каде што со својот тим разгледувал можни локации за заедничко производство на дронови, а на разговорите, наводно, било отворено и прашањето за производство на артилериска муниција.

Според германскиот весник, Украина и Србија паралелно работат и на договор за слободна трговија, кој би можел да биде потпишан во текот на 2027 година.