Новинарот Бранко Геровски кој прв пишуваше за „Рекет“ во „Плусинфо“ реагира по изјавата на премиерот Зоран Заев кој рече „Нема да дозволам неколку криминалци, еден суетен новинар и да ми извини ЛГБТ заедницата, еден педер, да ја урне Влада“.
„ШОКАНТНА, ДИСКРИМИНИРАЧКА, ЗАКАНУВАЧКА И СРАМНА ИЗЈАВА НА ПРЕМИЕРОТ ЗОРАН ЗАЕВ
Шокиран сум од изјавата на премиерот Зоран Заев. Особено што тој со половина од "криминалците" што ги спомнува бил во директна или посредна комуникација. "Педерот" што го спомнува го крунисаа тој и неговите министри и градоначалници.
Дали кога вели "еден суетен новинар" мисли на мене? Ако мисли, нека собере храброст тоа јавно да го каже. И прашувам јавно - дали тоа Зоран Заев мене ми се заканува?
Како и да е, барам премиерот Зоран Заев веднаш јавно да се извини за оваа срамна, крајно безобразна и дискриминирачка изјава, од која извираат нетрпеливост, закани и говор на омраза.
Очекувам јавноста, институциите што се овластени да ги штитат граѓаните од дискриминација, новинарските здруженија и претставниците на меѓународната заедница да ја осудат оваа скандалозна изјава на премиерот Заев“, пишува Геровски.
Прочитај го и ова:
Заев: Нема да дозволам криминаци, суетен новинар и педер да ја урнат Владата
Уранија Пироска за Заев: Гнасно, толку од прифаќањето на различностите
