Ги оставил клучевите во автомобилот, па му го украле: уапсен 28-годишен гостиварец

Жител на Гостивар пријавил кражба на патничко возило „форд“, кое било паркирано пред неговиот дом на улицата „ЈНА“.

— реклама —

Според информациите од полицијата, К.Х. (35) на 31 октомври во 08:30 часот пријавил дека возилото му било одземено во периодот од 23:00 часот на 30 октомври до 07:10 часот на 31 октомври. Во автомобилот клучевите биле оставени во бравата за стартување.

— реклама —

— реклама —

Истиот ден, во 10:00 часот, полициски службеници од Полициската станица Гостивар го лишиле од слобода М.А. (28) од Гостивар, поради постоење основи на сомнение за сторено кривично дело „одземање моторно возило“, казниво по член 242 од Кривичниот законик.

Осомничениот е задржан во полициска станица за понатамошна постапка.