Српскиот тенисер Новак Ѓоковиќ продолжува да испишува историја во светот на тенисот.
Откако стана тенисер со најмногу настапи во главниот жреб на Гренд слем турнирите, сега постави нов рекорд, и тоа конкретно на Ролан Гарос.
Мечот против Валентин Роаје ќе биде негов 120-ти настап на париската шлака.
Со тоа, Ѓоковиќ го остави зад себе Роџер Федерер, кој одигра 119 мечеви на Вимблдон, односно 117 на Австралија опен.
Зад нив следува Рафаел Надал со 116 настапи во Париз, потоа повторно Ѓоковиќ со по 115 мечеви на Вимблдон и Австралија опен, како и Џими Конорс со 115 мечеви на УС Опен.
