Ѓоковиќ по триумфот во Пекинг: Кога сум во добра форма, можам да ги победам и најдобрите

Новак Ѓоковиќ го освои турнирот во Пекинг, откако Алекс де Минаур му го предаде финалниот меч, а по триумфот српскиот тенисер порача дека трофејот за него има посебно значење.

— реклама —

Ѓоковиќ појасни дека по пауза од 11 години повторно настапил во Пекинг со големи очекувања и желба да стигне до трофејот.

„Поминаа 11 години откако последен пат играв овде. Имав големи очекувања од себе, секогаш се замислувам со трофеј. Овде никогаш не сум загубил. Во последно време бев далеку од такви рекорди, имав многу подеми и падови, здравствени и физички проблеми. Кога се чувствувам добро и удирам добро, можам да ги победам и најдобрите. Овој трофеј ми значи повеќе од само еден трофеј, нешто друго е во прашање“, изјави Ѓоковиќ.

— реклама —

Тој му се обрати и на Де Минаур, кому му посака што побрзо да се опорави.

— реклама —

„Сфатив дека беше некултурно од моја страна што не почнав со Алекс. Извини, се надевам дека брзо ќе се опоравиш. Ти посакувам сè најдобро“, порача Ѓоковиќ.

Тенисерот потоа се осврна и на својот однос со Пекинг и турнирот, истакнувајќи дека атмосферата и поддршката од публиката имаат значајно место во неговите настапи.

— реклама —

„Не би постигнувал толку добри резултати на место на кое не се чувствувам добро. Од почетокот играм на овој турнир, постојано доаѓав, го обожавам овој стадион, луѓето се страствени. Тие се дел од мојот успех, тука нема дилема“, изјави Ѓоковиќ.