Ѓоковиќ пред Ролан Гарос: Не сум дел од бојкотот на медиумите

Српскиот тенисер Новак Ѓоковиќ се огласи пред почетокот на годинашниот Ролан Гарос, кој ќе се одржи во Париз од 24 мај до 7 јуни.

— реклама —

Ѓоковиќ во првото коло ќе игра против Џовани Мпеши Перикар, а нивниот меч е закажан за недела, на првиот ден од турнирот.

— реклама —

На прес-конференцијата пред стартот на турнирот, Ѓоковиќ порача дека не е меѓу тенисерите кои ги бојкотираат медиумите.

„Не сум дел од тоа. Не можам навистина да коментирам. Можам да се залагам за правата на тенисерите како и досега, не само за најдобрите, туку и за оние со понизок ранг. Не носам одлуки и не учествувам во тоа, само продолжувам да работам како и досега. Треба да учиме од голферите и да бидеме обединети. Сега е време за тоа“, изјави Ѓоковиќ.

— реклама —

Тој зборуваше и за физичката и менталната подготовка пред вториот Гренд слем турнир сезонава.

— реклама —

„Гренд слем турнирите ми се приоритет. Секогаш ќе биде така. Работам сè што можам за да бидам во добра форма и да одиграм најдобро што можам во пет сета во текот на тие две недели. Ќе видиме дали тоа ќе биде возможно“, изјави српскиот тенисер.