Ѓорѓиев: Хаосот кој деновиве се случува во Општина Центар е последица на неодговорното работење на СДС и Герасимовски и на тоа што се расфрлаа со одобренија за градби

Членот на Општинскиот комитет на ВМРО-ДПМНЕ Центар, Филип Ѓорѓиев, обвини дека градоначалникот Горан Герасимовски и СДСМ водат неодговорна и расипничка политика во Општина Центар, поврзана со издавањето одобренија за градба.

— реклама —

Според Ѓорѓиев, задоцнетите казни и санкции не можат да ја прикријат, како што рече, неодговорноста на локалната власт, која дозволила работа на компании за кои подоцна се појавиле информации за спорно работење.

— реклама —

Тој посочи дека одобренија за градба биле издавани на фирми поврзани со лица за кои, како што наведе, во медиумите имало објави за несовесно работење или блокирани сметки.

— реклама —

„Три месеци ништо не знаеја додека се раскопуваше срцето на градот. Дури кога се урна земјиштето, пропаднаа тротоари и паднаа бандери, тогаш ‘дознаа’ кому му дале дозволи за градба“, изјави Ѓорѓиев.

— реклама —

Тој додаде дека покрај одговорноста за компаниите и нивните сопственици, одговорност треба да понесат и Горан Герасимовски и СДСМ, оценувајќи дека ова не е изолиран случај, туку доказ за, како што рече, лошото управување со Општина Центар.