Ѓорѓиевски: Пожарот кај „Рампа“ е ставен под контрола

Пожарот што попладнево избувна во објект кај „Рампа“ е ставен под контрола и локализиран благодарение на брзата интервенција на Противпожарната бригада на Град Скопје, соопшти градоначалникот на Општина Кисела Вода, Орце Ѓорѓиевски.

— реклама —

Според него, со навремената реакција било спречено пожарот да се прошири на околните објекти и да предизвика поголема материјална штета.

„Фала Му на Бога, жртви нема. За жал, еден пожарникар е повреден при интервенцијата и веднаш е пренесен на Клиника. Му посакувам брзо закрепнување и изразувам огромна благодарност за неговата пожртвуваност“, напиша Ѓорѓиевски.

— реклама —

— реклама —

Тој истакна дека интервенцијата уште еднаш ја покажала важноста на Противпожарната бригада и пожртвуваноста на пожарникарите, кои секојдневно го ризикуваат сопствениот живот за да ги заштитат граѓаните.

— реклама —

Ѓорѓиевски додаде дека модернизацијата на Бригадата, набавката на нова опрема и подобрувањето на условите за работа остануваат приоритет, упатувајќи благодарност до сите пожарникари за нивната професионалност, храброст и посветеност.