Ѓорѓиевски: Склучен е договор за набавка на 3.300 нови контејнери

Градоначалникот на Скопје, Орце Ѓорѓиевски, објави дека е потпишан договор за набавка на 3.300 нови контејнери, што според него е најголема набавка од ваков тип во изминатите години.

Ѓорѓиевски вели дека новите контејнери треба да придонесат за почисти населби, помалку отпад на улиците, навремено празнење и подобри услови за работа на екипите на ЈП „Комунална хигиена“.

— реклама —

— реклама —

„Само за споредба, во изминатите 12 години биле набавени околу 1.300 контејнери – бројка недоволна за потребите на цело Скопје“, наведува градоначалникот.

— реклама —

Тој посочува дека претходно контејнерите биле набавувани по цена од повеќе од 18.000 денари за парче, додека со новиот договор набавката ќе чини 9.600 денари по контејнер.

„Ова е доказ дека кога се работи чесно, домаќински и одговорно, може да се направи многу повеќе со парите на граѓаните“, напиша Ѓорѓиевски.

— реклама —

Градоначалникот додава дека по набавката на нови возила за ЈП „Комунална хигиена“, следува и набавката на 3.300 контејнери.

„Чекор по чекор, создаваме функционален систем и ставаме крај на хаосот со отпадот“, порача Ѓорѓиевски.