Ѓорѓиевски: „Скопје ја памети цената на својата слобода и никогаш нема да ги заборави оние што ја платија со својот живот“

По повод 13 Ноември – Денот на ослободувањето на Скопје, градоначалникот Орце Ѓорѓиевски утрово остварил традиционална средба со претставници на Градскиот одбор на Сојузот на борците од Народноослободителната антифашистичка војна на Македонија.

Ѓорѓиевски им се заблагодарил за нивната посветеност во зачувувањето на споменот за ослободителите и пренесувањето на нивното наследство на новите генерации.

— реклама —

Тој потсетил дека на 13 ноември, по неколкудневни тешки борби со фашистичкиот окупатор, борците од 42. и 50. народноослободителна дивизија и 16. македонска бригада му ја донеле слободата на Скопје.

— реклама —

„Нивниот подвиг живее во секое слободно утро на Скопје. Тие се изборија за слободата. Наша должност е да бидеме достојни за неа“, порача Ѓорѓиевски.

Како градоначалник, тој истакнал дека ја носи одговорноста со почит кон жртвата на борците и решителност да гради град во кој достоинството, солидарноста и заедништвото ќе бидат дел од секојдневието.

— реклама —

Ѓорѓиевски оддаде почит на сите борци кои се избориле за слободно Скопје, порачувајќи дека нивниот подвиг треба да остане вечен завет за идните генерации.

— реклама —