Ѓорѓиевски: За моите сограѓани секогаш има време – и оваа сабота со отворени врати и искрен разговор

Градоначалникот на Скопје, Орце Ѓорѓиевски, денеска во својот кабинет оствари средби со повеќе од 50 граѓани, со кои разговарал за нивните секојдневни проблеми, потреби и можностите за побрзо решавање на отворените прашања.

— реклама —

Ѓорѓиевски истакна дека секое барање заслужува внимание и почит, бидејќи зад него стојат луѓе и семејства на кои им е потребна помош. Тој посочи дека средбите му носат нови сознанија, предлози и идеи за подобрување на животот во градот, нагласувајќи ја и важноста на советите од повозрасните сограѓани.

— реклама —

— реклама —

„Мојата врата останува отворена за секој човек. Да бидам достапен, да слушам и да постапувам, тоа е мојата обврска кон вас секој ден“, изјави Ѓорѓиевски, додавајќи дека дел од приемните денови ги организира и за време на викендите.

— реклама —

Граѓаните можат да закажат средба со градоначалникот на телефонскиот број 02/3 279 204, а средбите ќе продолжат со досегашната динамика.