На Граничниот премин „Меѓународен аеродром Скопје“ бил лишен од слобода 29-годишен жител на гостиварското село Топлица, кој бил баран со судска наредба за издржување затворска казна од две години.
Како што соопшти Министерството за внатрешни работи, И.Ч. бил приведен на 21 септември во 12:30 часот, при влез во државата.
За него била распишана судска наредба за издржување на казната поради сторено кривично дело „тешка кражба“ според член 236 од Кривичниот законик.
По лишувањето од слобода, лицето било спроведено во Казнено-поправната установа Затвор Скопје, каде треба да ја издржува изречената казна.
