Четириесет и шестгодишен жител на демиркаписко село е лишен од слобода по пријава за семејно насилство во домот.
Според МВР, полициски службеници од Полициската канцеларија Демир Капија го лишиле Г.С. од слобода синоќа околу 22 часот, откако било пријавено дека во домот ѝ се заканувал на неговата 41-годишна сопруга, физички го нападнал 23-годишниот син и кршел предмети од покуќнината.
За случајот бил известен јавен обвинител. Г.С. бил спроведен во здравствена установа, а по целосното документирање на настанот ќе следува соодветен поднесок.
