Го нападнал малолетниот син на неговата вонбрачна партнерка, уапсени 35-годишен маж

Полициски службеници од СВР Струмица – ОВР Гевгелија лишиле од слобода 35-годишен жител на Куманово, по пријава за физички напад врз малолетник.

— реклама —

Од МВР информираат дека на 4 октомври во 23:50 часот во Гевгелија бил лишен од слобода Б.Р. (35). Според пријавеното, околу 21:30 часот во домот во кој престојувал во Гевгелија, тој физички го нападнал малолетниот син на неговата вонбрачна партнерка.

— реклама —

— реклама —

За случајот бил известен јавен обвинител од Основното јавно обвинителство Гевгелија.

— реклама —

По целосното документирање на настанот, од МВР најавуваат дека ќе биде поднесена соодветна пријава.