Триесет и тригодишен жител на Тетово е лишен од слобода по пријава дека физички го нападнал својот татко, соопшти Министерството за внатрешни работи.
Според информациите од МВР, на 21 јули во 16:10 часот полициски службеници од СВР Тетово го привеле С.А. (33), постапувајќи по пријава поднесена од неговиот 58-годишен татко.
Според пријавата, пред три дена, по кратка расправија, синот физички го нападнал таткото.
Осомничениот е задржан во полициска станица, а по целосно документирање на случајот против него ќе биде поднесена соодветна пријава.
