Го нападнале со тврд предмет, а потоа му го оштетиле автомобилот: Кривична пријава за три лица

СВР Скопје расчисти случај на насилство во скопското село Копаница, по што е поднесена кривична пријава против три лица.

— реклама —

Единицата за насилен криминал при СВР Скопје поднела кривична пријава по брза постапка против С.Ј. (34), И.Ј. и С.Ј., сите од селото Буковиќ, поради сомнение за сторено кривично дело „насилство“.

— реклама —

Според пријавеното, на 12 август во Копаница, првопријавениот со тврд предмет го нападнал 25-годишниот Х.Р. од Арнакија. Останатите две лица, исто така со тврди предмети, го оштетиле неговото возило.

— реклама —

Полицијата го лишила од слобода С.Ј. (34), а судија на претходна постапка му определил мерка домашен притвор.

— реклама —

Полицијата продолжува со преземање мерки за пронаоѓање на другите двајца пријавени.