„Го охрабруваме Филипче да не се откажува и да продолжи да го води СДС“, велат од ВМРО-ДПМНЕ

ВМРО-ДПМНЕ преку соопштение реагира на состојбите во СДС и на изјавите на претседателот на партијата Венко Филипче, оценувајќи дека неговите критики кон владејачката партија се обид за оттргнување на вниманието од внатрепартиските проблеми.

— реклама —

Од ВМРО-ДПМНЕ велат дека ја разбираат состојбата во која се наоѓа Филипче и бројните проблеми со кои, според нив, се соочува СДС.

— реклама —

„Тоа што Венко Филипче ја напаѓа ВМРО-ДПМНЕ за деликатноста на внатрепартиските состојби и поделеноста во СДС е само со цел да го оттргне вниманието од проблемите и да се обиде да ја задржи кохезијата внатре во партијата“, наведуваат од ВМРО-ДПМНЕ.

— реклама —

Од партијата додаваат дека, од нивна гледна точка, Филипче треба да остане на чело на СДС.

„Од аспект на ВМРО-ДПМНЕ, вистината говори дека за нас нема подобро решение од тоа Венко Филипче да биде претседател на СДС. Го охрабруваме да не се откажува и да продолжи да го води СДС“, се наведува во реакцијата.