Го оставила телефонот да се полни преку ноќ, а се разбудила во пламен: Позната инфлуенсерка со тешки изгореници

Руската инфлуенсерка Ана Отавина (24) преживеала вистинска драма откако во текот на ноќта избувнал пожар во нејзиниот стан во Москва. Според нејзиното сведоштво, причината бил преносен полнач за телефон што го оставила на креветот додека спиела.

Таа раскажа дека полначот се прегреал и се запалил, а бидејќи лежела свртена со грбот кон него и со распуштена коса, пламенот најпрво ја зафатил косата, а потоа се проширил и на нејзиниот грб.

— реклама —

„Пожарот избувна за миг. Полначот го оставив на креветот додека го полнев телефонот. Мислам дека се прегреал поради контактот со постелнината. Кога скокнав од креветот, запалената коса ми падна на грбот“, изјавила Отавина.

Откако успеала да ја изгаси косата, сфатила дека пожарот сè уште не е ставен под контрола. Перницата и ќебето гореле, а преносниот полнач паднал на подот и го запалил тепихот. Таа успеала да го изгаси огнот пред да се прошири низ станот.

— реклама —

По инцидентот, ги ставила изгорениците под ладна вода, а набргу пристигнале и итните служби. Лекарите утврдиле дека има изгореници од втор степен на околу 30 проценти од телото.

— реклама —

По несреќата, инфлуенсерката апелирала до своите следбеници никогаш да не оставаат преносни полначи без надзор, особено додека спијат.

„Не оставајте ги да се полнат преку ноќ. Сега секогаш исклучувам сè од струја и повеќе нема да користам преносни полначи“, порача таа.

— реклама —

Отавина изјавила дека се сомнева оти пожарот го предизвикал неисправен уред што претходно го добила како подарок, но не можела да се сети од кој производител бил полначот.

Инфлуенсерката е позната по содржините поврзани со езотерија, „енергетско исцелување“ и совети за личен развој, кои ги споделува на социјалните мрежи.