Го прегазил тракторот што самиот го стартувал, 75-годишен маж тешко повреден

Седумдесет и петгодишен жител на Кавадарци се здобил со тешки телесни повреди откако бил прегазен од трактор во дворот на неговиот дом.

— реклама —

Од Министерството за внатрешни работи информираат дека на 9 јули 2026 година, околу 20:00 часот, во ОВР Кавадарци било пријавено дека во Општата болница во Кавадарци за укажување лекарска помош бил донесен Р.М. (75) од Кавадарци, кај кого лекарите констатирале тешки телесни повреди.

— реклама —

— реклама —

Според пријавеното, несреќата се случила додека тој го стартувал тракторот стоејќи покрај него, по што возилото неочекувано се придвижило и го прегазило.

— реклама —

За случајот бил известен јавен обвинител, а увид на местото извршила увидна екипа од ОВР Кавадарци. Надлежните ги преземаат сите мерки за целосно расчистување на околностите под кои се случила несреќата.