Вечерва од општина Аеродром тргнува традиционалниот Илинденски марш.Коњаничкит марш на втори август ќе пристигне во Крушево на прославата на најголемиот македонски национален празник Илинден.
Дваесет коњаници се избрани на конкурсот за пријавување учесници на традиционалниот Илинденски марш што оваа година ќе се одржи по 41-ви пат, под покровителство и финансиска поддршка од општина Аеродром и Град Скопје, а годинава меѓу нив три девојки.
Драгана Каловска трета година по ред учествува, Елена Мишева втора година, а за прв пат нив ќе им се приклучи и 17 годишната Марија Стамболиска. Пред да тргнат на пат, тие имаа подготовки, објави Фактор.
Инаку, организатор на манифестацијата е Здружението на граѓани од Горно Лисиче „Илинденски марш 1978“.
