Голем енергетски договор на повидок: Москва и Техеран преговараат за испорака на руски гас

Рускиот претседател Владимир Путин денеска во Москва се сретна со претседателот на Иран, Масуд Пезешкијан, кој пристигна во руската престолнина за да учествува на Осмиот самит на шефови на држави и влади на земјите членки на Форумот на земјите извознички на гас.

— реклама —

На состанокот, од руска страна, меѓу другите, присуствувале министерот за надворешни работи Сергеј Лавров, генералниот директор на „Росатом“, Алексеј Лихачов, директорот на Федералната служба за воено-техничка соработка, Дмитриј Шугаев, и генералниот директор на „Гаспром“, Алексеј Милер, пренесува РИА Новости.

Како што се наведува, меѓу можните теми на разговорите биле економската соработка меѓу Москва и Техеран, енергетската безбедност и геополитичките прашања.

— реклама —

Путин и Пезешкијан последен пат се сретнаа лично на почетокот на октомври во Туркменистан, на маргините на самитот на Заедницата на независни држави (ЗНД) и Самитот за животната средина на Каспиското Море.

— реклама —

Тогаш, покрај ситуацијата на Блискиот Исток, разговарале и за зајакнување на економската и стратешката соработка меѓу двете земји, вклучително и во областа на енергетиката.

Во средината на јануари 2025 година, Путин ја изнесе можноста дека, доколку се реализира проектот за изградба на гасовод до Иран преку Азербејџан, испораките на руски гас за таа земја со текот на времето би можеле да достигнат 55 милијарди кубни метри годишно.

Вршителот на должноста министер за нафта на Иран, Хамид Бовар, минатата недела изјави дека Русија и Иран се блиску до постигнување конечен договор за испорака на гас, но дека останува да се решат уште неколку технички прашања.