(Видео) Голем пожар кај Бит-пазар во Скопје: Горат магацини, интервенираат шест противпожарни возила

Голем пожар избувна доцна попладнево во близина на Бит-пазар, а според информациите на „Прес24“, гори објект во кој се сместени повеќе магацини.

Телевизијата „21“ објави снимка од пожарот.

— реклама —

— реклама —

Според информациите од Центарот за управување со кризи (ЦУК), на местото на настанот интервенираат екипи на Противпожарната бригада на Град Скопје со шест противпожарни возила.

— реклама —

Пожарникарите се ангажирани во гаснењето на огнот, а поради интензивната интервенција засега нема подетални информации за размерите на пожарот и причинетата материјална штета.

— реклама —

Од ЦУК информираат дека дополнителни детали ќе бидат соопштени по добивањето информации од екипите на терен.

Засега нема официјални информации за евентуално повредени лица, ниту за причините што довеле до избувнување на пожарот.