Голем пожар во хангар на плажата Јаз кај Будва: Изгореа чамци и глисери, причинета е голема штета

Голем хангар во кој биле сместени чамци и глисери се запалил на плажата Јаз кај Будва. Пожарникарите успеале да го локализираат пожарот.

— реклама —

Командирот на будванската Служба за заштита и спасување, Илија Богетиќ, изјавил за „Вијести“ дека пожарникарските екипи го ставиле пожарот под контрола и дека сè уште се на терен за целосно да го изгаснат огнот.

— реклама —

„Пријавата за пожарот ја добивме во шест часот. Сите расположливи екипи веднаш беа испратени на интервенција“, изјавил Богетиќ.

— реклама —

Според сведочењата на очевидци, пожарот најверојатно бил предизвикан од удар на гром.

— реклама —

Огнот предизвикал голема материјална штета на објектот и на пловилата што се наоѓале во хангарот. Полицијата врши увид и ги утврдува сите околности под кои избувнал пожарот.