Пожарникари интервенирале при пожар што избувнал во трговски дуќан на улицата „Индира“ во Шуто Оризари, информираат од Центарот за управување со кризи.
Според информациите од Центарот за управување со кризи, интервенцијата траела од 03:31 до 06:45 часот. Во гаснењето на пожарот учествувале 15 пожарникари со шест противпожарни возила.
Засега нема информации за причините за избувнувањето на пожарот и за евентуално повредени лица.
