Министерството за внатрешни работи во текот на денешниот ден спроведува координирана акција со претреси на дваесетина локации, неофицијално дознава „Скопје1“.
Според информациите до кои дојдовме, акцијата е поврзана со сомненија за незаконско издавање и фалсификување возачки дозволи за C и D категорија.
Полициските активности се спроведуваат на повеќе локации, а целта е расчистување на случаите и обезбедување материјални докази кои би биле користени во понатамошната постапка.
Засега нема официјални информации дали во рамки на акцијата има приведени или осомничени лица, ниту за точниот број на претреси и опфатот на истрагата.
Акцијата сè уште е во тек, а официјални информации од институциите по нејзиното завршување.
