Голема победа за Даниела Алексовска на ФНЦ спектаклот во Скопје

Македонската ММА борка Даниела Алексовска оствари значајна победа на настанот ФНЦ 34 во Скопје, откако со прекин во третата рунда ја совлада грчката противничка Мина Хацопулу во салата „Борис Трајковски“.

— реклама —

— реклама —

Решавачкиот момент се случи во партер, кога Алексовска ја собори противничката и продолжи со серија удари. Судијата интервенираше и ја прекина борбата, по што победата ѝ припадна на македонската натпреварувачка.

— реклама —

Ова е уште еден значаен успех за Алексовска, која во 2025 година освои бронзен медал на Светското ММА првенство во Тбилиси, а претходната година стигна до полуфиналето на светскиот шампионат во Ташкент. Нејзините резултати беа препознаени и во Македонија, каде што беше прогласена за млада спортистка на годината за 2025 година.