Четириесет и осумгодишен маж од Свети Николе се здоби со тешки повреди во сообраќајна несреќа во Скопје, кога кон него влетал „голф“, а возачот го напуштил местото на несреќата.
До ударот дошло на крстосницата од ул.„Ацо Шопов“ и ул.„1409“, велат од МВР.
„На 23 декември во 12.30 часот во СВР Скопје од Комплексот клиники „Мајка Тереза“ било пријавено дека кај нив бил донесен А.В.(48) од Свети Николе со тешки телесни повреди здобиени во сообраќајна несреќа“, велат од полицијата.
По извршен разговор со лицето, констатирано е дека во него удрил автомобил од марката „голф“, а чијшто возач потоа го напуштил местото на настанот. Се преземаат мерки за расчистување на случајот.
