„Горан Герасимовски го номинирам за нов потпретседател, СДСМ се зајакнува“, вели Филипче

Претседателот на СДСМ, Венко Филипче, преку објава на социјалните мрежи соопшти дека ќе го предложи градоначалникот на Општина Центар, Горан Герасимовски, за нов потпретседател на партијата.

— реклама —

Филипче истакна дека Герасимовски ја заслужил довербата со својата посветена и одговорна работа, додавајќи дека освоениот втор градоначалнички мандат е потврда дека граѓаните ги препознаваат резултатите и блискоста со нивните потреби.

„Со задоволство ги информирам членовите дека Горан Герасимовски ќе го номинирам за нов потпретседател на СДСМ“, објави Филипче.

— реклама —

Според него, Герасимовски со своето искуство и ангажман ќе придонесе за дополнително зајакнување на партијата и ќе помогне во обединувањето на нејзините капацитети.

— реклама —

Филипче порача дека СДСМ продолжува со нова енергија и посветеност, со цел, како што наведе, да понуди подобра иднина за државата.