Гори депонијата во Еднокуќево, чадот се чувствува и во околината на Струмица

Пожар на депонијата во Еднокуќево предизвикува ширење чад и непријатна миризба во околината на Струмица. Огнот гори од вчера попладне, а пожарникарите продолжуваат со интервенциите и утринава.

— реклама —

Екипите на ТППЕ Струмица вчера интервенирале двапати, во попладневните и ноќните часови. Денеска, уште од раните утрински часови, пожарникарите повторно се на терен со цел да го локализираат и изгаснат пожарот.

— реклама —

Според градоначалникот на Општина Босилово, Ристо Манчев, во текот на денот се очекува да започне расчистување и потрупување на депонијата со соодветна механизација, за да се помогне во гаснењето и да се спречи повторно разгорување на огнот.

— реклама —

Пожарите на депониите, покрај опасноста од ширење на пламенот, предизвикуваат и загадување на воздухот. Дури и откако пламенот ќе биде изгаснат, отпадот може да продолжи да тлее во длабочината и повторно да го активира пожарот.

Надлежните апелираат на одговорно однесување и поголема грижа за животната средина.