Гори Мадеира: Стотици пожарникари се борат со пожарот

Стотици португалски пожарникари се борат да го изгаснат пожарот што зафати делови од островот Мадеира, популарна туристичка дестинација.

— реклама —

Пожарот што избувна во средата во оддалечената рурална област Рибеира Брава се прошири и во соседната општина Камара де Лобос, соопштија официјални лица, пренесе Ројтерс.

— реклама —

— реклама —

Речиси 200 пожарникари поддржани од 38 возила го гаснат пожарот, но високите температури, малата влажност и силниот ветер им ги отежнуваат напорите.

— реклама —

За гаснење на пожарот бил ангажиран хеликоптер. „Не се сомневам дека овој пожар е подметнат во непристапна област“, ​​изјави претседателот на регионалната влада на Мадеира, Мигел Албукерке. Превентивно се евакуирани околу 160 лица.