Гори плац со хаварисани возила во Тетово, густ чад се шири во околината

Голем пожар избувна попладнево на плац со хаварисани возила во Тетово, каде што горат гуми, автомобилски делови и друг материјал, при што се создава густ чад што се шири во околните населени места.

— реклама —

Раководителот на противпожарната и спасувачката единица во Тетово, Авни Амети, информира дека пожарот е посериозен поради материјалите што горат, а за време на интервенцијата се регистрирани и експлозии од акумулатори и други делови од возилата.

— реклама —

Бензинската пумпа во близина е обезбедена и засега нема опасност пожарот да ја зафати.

— реклама —

На терен е и Општинскиот инспекторат за животна средина, кој ќе изврши увид и анализи за да се утврди дали пожарот предизвикал загадување на воздухот или на животната средина.

Поради густиот чад и горењето гуми, пластика и друг отпад, надлежните ги повикаа жителите во околината да ги затворат прозорците и, доколку е можно, да останат во затворени простории додека трае пожарот.