„Горивата се 100 денари, минималната плата најниска – Владата нема ниту една мерка за граѓаните“, вели Филипче

Растот на трошоците за живот и ниската куповна моќ се доказ дека Владата не презема доволно мерки за да им помогне на граѓаните, оцени претседателот на СДСМ, Венко Филипче, на денешната прес-конференција.

— реклама —

Тој посочи дека цената на горивата надминува 100 денари, додека минималната плата, според него, останува најниска во споредба со земјите од регионот.

— реклама —

„Над 100 денари се горивата. Ни една мерка нема за ниту еден граѓанин, за ниту една загрозена категорија на граѓани. Така се оставени луѓето“, рече Филипче.

Тој ја критикуваше Владата и за, како што оцени, недостигот на резултати во повеќе области, меѓу кои економијата, социјалата, образованието и енергетиката.

— реклама —

Филипче реагираше и на тврдењата дека Македонија има најниски цени на горивата во регионот, посочувајќи дека при споредбите мора да се земат предвид и платите и куповната моќ на населението.

„Каква е платата? Каква е куповната моќ? Не може да се споредиме со околните земји. Најниска минимална плата имаме. Косово има повисока од нас. Кажува премиерот, била најниска цената на горивата. Што ако е најниска ако граѓаните не можат да ја купат?“, порача претседателот на СДСМ.