Министерството за внатрешни работи соопшти дека на 11 мај во 13:25 часот во ОВР Гостивар, 53-годишен маж од Гостивар пријавил дека бил измамен за сума од 6.000 денари.
Според пријавата, тој на 24 април преку социјална мрежа стапил во контакт со М.Д. од Кавадарци, со престој во Скопје, кој му ветил дека ќе му извади пасош по брза постапка.
Откако се договориле, оштетениот ги испратил парите по автобус, но по нивното примање, лицето го блокирало и прекинало секаков контакт со него.
Од МВР велат дека се преземаат мерки за расчистување на случајот.
