Гостиварец се здобил со повреди откако паднал од мотоцикл во близина на црквата „Св. Петка“ во Гостивар, информира Министерството за внатрешни работи.
На 10 септември во 12:50 часот во ОВР Гостивар било пријавено од Медицинскиот центар Гостивар дека кај нив за укажување лекарска помош се јавил Х.С. (49).
Според пријавеното, тој се повредил при пад од мотоцикл „Јамаха“ со гостиварски регистарски ознаки. По извршените проверки било утврдено дека Х.С. го управувал мотоциклот без положен возачки испит.
По насоки на јавен обвинител, мотоциклот бил одземен, а по целосно документирање на случајот ќе следува соодветен поднесок.
