Полицијата привела 31-годишен жител на Врапчиште, гостиварско, по пријава дека зел и потрошил пари оставени во угостителски објект.
Од МВР информираат дека на 26 август во 20:40 часот полициски службеници од ОВР Гостивар го лишиле од слобода Б.С. (31) од село Врапчиште.
Претходно, маж од гостиварско пријавил дека при затворањето на својот угостителски објект оставил парични средства, кои Б.С. ги зел и ги потрошил.
По целосното расчистување и документирање на случајот, против 31-годишникот ќе биде поднесена соодветна пријава.
