60-годишен гостиварец е лишен од слобода откако полицијата утврдила дека управувал автомобил под дејство на алкохол.
Според МВР, на 19 август во 11:20 часот, на улицата „Браќа Ѓиноски“ во Гостивар, полициски службеници вршеле увид по сообраќајна незгода во која учествувал Ц.М. со патничко возило „опел“.
При проверката било утврдено дека тој управувал со возилото со 1,58 промили алкохол во крвта, по што бил лишен од слобода.
По целосното документирање на случајот, против него ќе следува соодветен поднесок.
