Град Скопје ќе ги наградува граѓаните кои ги почитуваат препораките за седење дома како мерка против ширење на корона вирусот. На социјалните мрежи од Град Скопје објавија дека избираат најдобра фотографија на тема „Скопје дома“.
-Избираме најдобра фотографија на тема #СкопјеДома секој ден и доделуваме награди за најкреативните од вас! Испратете ни автентична фотографија/видео/гиф од вашиот дом како го поминувате времето поминато во изолација сами, со вашето семејство или милениците, а Град Скопје ќе ги избира најдобрите секој ден и ќе им доделува награди во висина до 100 евра.
Помогнете им на здравствените работници! Останете дома за да го спречите ширењето на Корона вирусот и учествувајте во конкурсот секој ден!
фото: Designer AV
