СВР Тетово поднесе кривична пријава против М.Л. (51) од Тетово поради постоење основи на сомнение за сторено кривично дело „узурпација на недвижности“.
Според информациите од Министерството за внатрешни работи, во текот на 2025 година, пријавениот, во својство на инвеститор, изведувал градежни работи на парцели во сопственост на Република Северна Македонија на подрачјето на Општина Тетово.
Како што информираат од МВР, градежните активности биле извршувани без соодветно одобрение издадено од надлежниот орган на Општина Тетово.
По преземените мерки и документирањето на случајот, против тетовецот е поднесена кривична пријава.
