Градоначалникот на Општина Охрид, Константин Георгиески, заедно со неговата сопруга Елена, утрово беа на Божиќна литургија во црквата Свети Никола во Долна Влашка Маала.
Градоначалникот претходно официјално упати срдечни честитки до сите православни верници по повод Божиќните празници.
„На сите православни верници им го честитам најрадосниот христијански празник Божиќ, со најискрени желби за среќно и од Бога благословено прославување на Христовото раѓање. Празничните денови нека донесат радост, здравје, мир и спокој во секое семејство , насочувајќи не кон разбирање, проштевање и добра волја, како и желба за постојан напредок на заедницата. Христос се роди- Вистина се роди!“ - стои во честитката на охридскиот Градоначалник.
