Градоначалникот на Кавадарци Митко Јанчев меѓу странските функционери кои добија ордени од Зеленски

По повод Денот на независноста на Украина, претседателот Володимир Зеленски објави список со приближно двесте странски функционери и јавни личности, на кои им додели државни одликувања во различни категории.

— реклама —

— реклама —

На листата се најде и градоначалникот на Кавадарци, Митко Јанчев, кој доби орден за заслуги од трет степен. Наградата се доделува за значаен придонес во зајакнувањето на меѓудржавната соработка, поддршка на украинскиот суверенитет и територијален интегритет, како и за добротворна дејност и промоција на Украина во светот.

— реклама —

Истовремено, украинскиот претседател во неделата ги одликуваше и хрватскиот премиер Андреј Пленковиќ и министерот за надворешни работи Гордан Грлиќ Радман. Пленковиќ беше награден со Орден на принцот Јарослав Мудриот од прв степен, додека Грлиќ Радман доби Орден за заслуги од втор степен, за нивниот придонес во поддршката на државниот суверенитет и територијалниот интегритет на Украина.