🔴(Во живо) Градоначалникот на Крива Паланка: Целата територија на општината е опседната со крави

Крави низ улици, дворови, ниви и селски населби – Крива Паланка се соочува со сериозен проблем со неконтролираното движење на добитокот, кој од година на година станува сè поголем. Градоначалникот на Крива Паланка, Сашко Митовски, во гостувањето во поткастот „Претрес со Ландов“ предупреди дека состојбата на терен е алармантна и дека речиси целата територија на општината е зафатена со проблемот.

„Буквално целокупната територија на Општина Крива Паланка е опседната со крави“, изјави Митовски, одговарајќи на прашањето дали постои населено место во кое нема присуство на добитокот. Тој потврди дека крави има во сите населени места.

— реклама —

Според Митовски, проблемот трае повеќе од десет години, а бројот на животни постојано расте. Кога во 2021 година ја презел градоначалничката функција, преку официјална комуникација со Агенцијата за храна и ветеринарство и Платежната агенција, биле евидентирани околу 570 грла добиток.

Сегашната бројка, според неговите процени, е уште поголема, иако нагласи дека станува збор за неофицијални податоци, добиени од локалното население и врз основа на состојбата што може да се забележи на терен.

— реклама —

Митовски ги посочи и лицата кои претходно биле регистрирани како сопственици на добитокот. Тој рече дека во 2021 година биле евидентирани четворица сопственици, а подоцна тројца: Ана Марија Георгиевска, Јулијана Георгиевска и Андријана Георгиевска.

Но, клучниот момент во разговорот беше информацијата дека во март 2024 година Агенцијата за храна и ветеринарство донела решенија за трајно одземање на животните, поради констатирани неправилности во нивното чување и непочитување на правилата за благосостојба на животните. Решенијата станале правосилни и извршни во април истата година.

— реклама —

Според објаснувањето на Митовски, со одземањето животните преминале во државна сопственост, односно формално-правно сопственик е Агенцијата за храна и ветеринарство.

„Тие се одземени со решение и повеќе не се сопственост на претходните сопственици“, објасни Митовски.

— реклама —

Митовски предупреди дека проблемот со кравите не е ниту смешен ниту мал, туку сериозна состојба која со години не добила трајно решение.

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK Во живо