Граѓаните на Скопје се револтирани поради големите гужви во градот, но и поради уништувањето на урбаната опрема. Тие на социјалните мрежи бараат одговорност од градоначалникот на Град Скопје, Петре Шилегов, но и од инспекциските служби.
Денес демонстрантите пред Собранието на Република Македонија ги извадија клупите од паркот Жена борец и истите ги поставија на улицата Даме Груев со што целосно го блокираа сообраќајот. Поради блокираниот сообраќај сите возила мораа да кружат со што се создаде метеж на околните сообраќајници, а возачите нервозни чекаа во огромни колони.
