Граѓаните од Охрид, Прилеп и Ресен со организиран превоз ќе одат во Битола да подигнат пари: Познати часовите и местата на поаѓање

Народната банка утре, сабота, 7 ноември, ќе организира превоз за клиентите на „Алта банка“ од Прилеп, Охрид и Ресен до филијалата во Битола, за да можат да ги подигнат средствата од своите сметки.

— реклама —

Превозот е наменет за граѓаните кои имаат платежна сметка во „Алта банка“ АД Битола, но немаат платежна картичка. По завршувањето на исплатата, клиентите ќе бидат превезени назад до местата од кои тргнале.

Поаѓањата се предвидени според следниот распоред:

— реклама —

Прилеп: плоштад „Методија Антонов-Ченто“, пред „Реклами“, во 10 часот.

— реклама —

Охрид: градската автобуска станица, во 11 часот.

Ресен: кај маркетот „Кипер“, во 12 часот.

— реклама —

Од Народната банка потсетуваат дека од понеделник, 9 ноември, ќе бидат отворени и шалтерите во Тетово и Струмица. Таму граѓаните кои немаат платежни картички ќе можат да подигнат до 20.000 денари.