Артилериска граната од Првата светска војна била пронајдена при изведување градежни работи во атарот на битолското село Меџитлија.
Како што информираат од СВР Битола, на 11 јули во 10:54 часот, Б.Б. (46) од селото Меџитлија пријавил дека за време на градежни активности наишол на експлозивна направа.
По извршениот увид, на 12 јули пиротехничар од Дирекцијата за заштита и спасување – Битола утврдил дека станува збор за артилериска граната со калибар од 75 милиметри, која потекнува од Првата светска војна.
Гранатата била безбедно подигната и отстранета од местото на пронаоѓањето.
