Две артилериски гранати заостанати од Првата светска војна биле пронајдени при гаснење на пожар во близина на селата Арматуш и Мегленци, во Општина Новаци.
Од МВР информираат дека на 24 август во 21:30 часот во Полициското одделение Новаци било пријавено дека при гаснењето на пожарот во атарот на двете села биле пронајдени две гранати.
На 25 август, гранатите биле безбедно подигнати од пиротехничар од Дирекцијата за заштита и спасување. По извршената проверка било утврдено дека станува збор за две артилериски гранати со калибар од 155 и 75 милиметри, кои потекнуваат од Првата светска војна.
